Tagis ng Tigas [15]

Kwentuhan ng kanilang mga trabaho sa ibang bansa at inuman. Mga masasayang pangyayari. Hindi nagtagal ang dalawang bote at naubos na din agad.

Engr Danny: Sarap talaga ng beer dito sa atin!

Tinunga na Kuya Junior ang mga naiwan pa na beer.

Alvin: Kuya Junior, hinay lang at mag-drive ka pa yata.

Kuya Junior: Ako pa. Kayang-kaya!

Engr Danny: Oo nga naman Jun. Hinay lang. Nagmamadali ka yata malasing.

Kuya Junior: Hindi naman sir. Na-miss ko lang din uminom.

Engr Danny: Kaya mo pa ba uminom o tara na?

Tumingin si Kuya Junior kay Danny.

Kuya Junior: Kaya ko pa. Bili pa ba ako?

Engr Danny: Sige. Dagdagan mo na siguro. Kahit apat. Pwede ba magpa-madaling araw dito sa iyo Alvin?

Alvin: Oo naman. Medyo masikip lang sa kama kung tatlo tayo.

Engr Danny: Pwede naman sa ibabaw natin si Jun.

Napangiti kami, pati na din si Kuya Junior.

Engr Danny: Biro lang. Pwede ako sa sofa. Sanay ako sa ganyan kapag nasa proyekto. Jun, ikaw?

Kuya Junior: Walang problema sa akin kung sino tatabihan ko.

Seryoso ang tingin ni Kuya Junior sa baso nyang wala nang laman.

Kuya Junior: Bili na muna ako. Iwan ko muna ulit kayong dalawa.

Engr Danny: Jun, yung pera baka makalimutan mo.

Kuya Junior: Oo nga pala.

Natawa na lang si kuya, habang inabot ang pera at umalis na ulit.

Engr Danny: Sarap kainuman ni Kuya Junior mo hindi ba? Magaling magdala, matibay pa.

Alvin: Oo. Pero mas masarap pa din si kuya. Lalo na kung nakainom na sya.

Engr Danny: Talaga? Hindi ko alam.

Sabay tumawa ito. Alam ko na patay-malisya lang sya. Natawa na lang din ako. Katahimikan pagkatapos.

Engr Danny: Yung tanong ko kanina. Bago dumating si Jun. Meron ka pa ba gusto gawin sa kanya?

Alvin: Oo.

Matapang na ang sagot ko dahil sa alak.

Engr Danny: Ang sarap siguro ng ginagawa sa iyo ni Jun.

Alvin: Bakit? Wag mo sabihin na wala pa nangyayari sa pagitan nyo. At hindi ka nasarapan?

Engr Danny: Masarap. Meron syang binuhay na hindi ko alam na gusto ko.

Lumapit ako ng upo kay Danny at hinarap sya.

Alvin: Ano ang kabayaran ni kuya sa iyo? Alam ko kung ano ang utang nya.

Engr Danny: Alam mo na yan Alvin. Saan pa ba magaling ang kuya mo?

Alvin: Gusto ko malaman ang detalye sa iyo. Sabi mo parehas tayo ng ugali. Ibig sabihin, meron kang hindi sinabi kay ama sa mga kwentuhan nyo.

Engr Danny: Magaling ka talaga. Pinabibilib mo ako.

Nakatingin lang ako kay Danny at nag-iintay ng kanyang sagot.

Engr Danny: Yung kaso ng kuya mo, pakikiapid. Maraming nagkagusto sa kuya mo. Hindi lang dahil sa dating nya pero dahil na din mabola sya. Matamis ang dila. Mga pinay na may asawa din dito sa Pilipinas o dalaga madalas. Kilala sya sa tinik nya sa babae. Hindi naman talaga nakakapagtaka. Mas lalo na nang kumisig at gumanda pangangatawan. Isipin mo na lang, machinery ng sex.

Alvin: Alam ko.

Natawa kami ng bahagya.

Engr Danny: Si Jun, tauhan ko sya. Masipag at maabilidad sa trabaho. Kaya wala akong pakialam sa mga ginagawa nya sa labas ng trabaho. Kainuman din kasama mga tropa. Tamang ka-trabaho. Ganun ang mga araw sa amin.

Alvin: Anong nangyari?

Engr Danny: Pero ang naging pinakamalaki nyang pagkakamali ay nang pinatulan nya ang asawa ng isa sa mga stakeholder ng proyekto. Ang totoo nyan, yung babae na yun, kilala sa pang-aakit sa mga nagugustuhan nya na mga trabahador. Hindi si kuya mo ang una nya. Si Jun, kung anong galing sa trabaho, sya naman rupok sa kama. Kapag tinigasan na yan, nasa titi nya na utak nya. Hindi na nag-iisip. Pinatulan nya ng isang beses ang babae. At isa pa. At ilang ulit pa.

Napailing ako, dahil alam ko na pagkatao ni Kuya Junior ang sinasabi ni Danny.

Engr Danny: Sinabihan ko na sya na itigil nya bago pa sya mapahamak. Pero hindi sya nakinig. Dahil sa paulit-ulit na pangyayari ay nakahalata yung asawa na lalaki. Minsan nagpunta silang mag-asawa, napansin ko na na medyo kakaiba ang kilos ng lalaki. Oras yun ng trabaho. Habang nasa meeting kami, ilang minuto lang, tumayo at lumabas sya. Ilang minuto pa ulit, may pumasok na isang tauhan  ko na humahangos. Tinawag ako na lumabas mula sa meeting at importante daw. Paglabas ko ng kwarto, sinabi agad sa akin na nahuli si Jun ng asawang lalaki. Tinakbo namin agad papunta sa kung nasaan sila.

Alvin: Kuya Junior...

Engr Danny: Pagdating namin sa malapit na barracks kung saan nagtatrabaho si Jun, nakita ko syang gumugulong sa lupa nang walang damit at binugbugbog ng asawang lalaki. Sinasabunutan sya para makatayo sabay sinusuntok ang mukha. Kapag nasa lupa ay pinagtatadyakan sya sa lahat ng pwede tadyakan.

Napatakip ako sa aking bibig. Yung itsura at pag-aalala ko kay kuya.

Engr Danny: Walang magawa ang asawang babae. Dumating pa ang bodyguards ng mag-asawa. Hawak ng dalawang bodyguard nya si Jun habang pinagsusuntok sa sikmura si kuya mo. Nakiusap ako na itigil na. Nagmakaaawa pa. Kahit mukha ni Jun nun, hindi nya pinatawad. Duguan na si Jun nang tinigilan sya ng asawang lalake. Hinarap ako ng lalake at sinabihan ako na tumawag ng pulis.

Alvin: Danny...

Engr Danny: Kinausap ko. Kinausap ko ng maigi ang lalake. Nag-usap kami ng pribado. Pero pinakulong nya pa din si Jun. Kamatayan ang katumbas ng kaso ni kuya mo. Nang pinuntahan ko si Jun sa presinto, naawa ako sa kanya. Kung nakita mo lang itsura nya, alam mo na kakayanin ng katawan nya yung bugbog, pero hirap sya. Madumi at duguan. Alam nya din kung ano kahihinatnan nya. Nakiusap sya sa akin. Umiyak pa. Hindi ko sukat akalain na makikita ko sya sa ganun lagay at mas lalo na na gagawin nya makiusap. Kita ko ang takot sa mga mata nya.

Ayoko isipin kung ano ang itsura ni kuya, pero naiintindihan ko si Danny na wala sa pagkatao ni Kuya Junior ang makiusap. Macho sya. Lalaki. Malakas. Matigas. Pero hindi sa pagkakataon na iyon.

Engr Danny: Binalikan ko agad ang asawang lalaki nang sumunod na araw, kasama ang isa ko na opisyal sa proyeko. Siguro iniisip mo na palipasin ko muna yung galit, pero sa amin mabilis ang batas, pwedeng ibaba agad ang hatol lalo na't nahuli sila sa akto. Nakiusap ako. Nakiusap talaga ako Alvin. Lumuhod pa ako para sa tao ko, para sa buhay ng tao ko.

Alvin: Engineer...

Napahawak ako sa hita ni Danny. Nakita ko ang pamumugto ng mga mata nya.

Engr Danny: Hindi dahil si Jun ang nasa kalagayan, kahit siguro sino na tao ko. Kababayan mo yan. Tao mo yan. Hindi ko matanggap na mamamatay sa ilalim ng pangagalaga ko.

Ininom nya ang mga naging tubig na yelo sa baso nya.

Engr Danny: Kung talagang naniniwala daw ako sa tao ko. Kapalit ng posisyon ko sa proyekto. At tatlong gabi ng paninilbihan sa kanya. Iuurong nya ang kaso. Ayun.

Alvin: Engineer Danny...

Engr Danny: Ayun. Sa proyekto, madami naman iba at isa pa, kumpanya ko pa din naman ang kumikita. Yung paninilbihan, yun ang masakit at mahirap. Alam mo yun Alvin, pinag-ahit nya ako, pina-ahitan din buong katawan ko. Yun...

Alvin: I'm so sorry Danny...

Huminga ng malalim si Danny, at humugot ng lakas.

Engr Danny: Natapos din yung impyerno na yun. Wala akong alam sa mga bagay na nagpapaligaya sa lalaki. Pero madaming nangyari na hindi ko alam kung paano ko natagalan. Inisip ko na lang na buhay ang kapalit ng mga ginawa ko.

Katahimikan sa pagitan namin.

Engr Danny: Umuwi ako sa barracks ng ibang site. Nagpatulong ako sa mga kasamahan ko na asikasuhin si Jun. Gusto ko lang magkulong sa kwarto at maligo ng maligo. Dapat ako magalit nun kay Jun dahil hindi mangyayari sa akin ito kung hindi dahil sa kanya. Pero hindi ko makuha magalit. Ilan araw ko din hindi matingnan sarili ko sa salamin. Gusto ko lang talaga matulog ng matulog.

Tinapik ko ang balikat ni Danny.

Engr Danny: Pero kailangan bumangon. Nagising na lang ako isang araw at nasa site na ulit ako. Kausap ang mga tao at trabaho na ulit. Nakalipas na yun. Nang isang uwi ko sa barracks, nag-aantay sa labas ang kasamahan ko, kasama si Jun. Papalapit pa lang ako ay sinalubong na agad ako ni Jun sabay yumakap. Paika-ika pa sya maglakad at may mga benda pa sa sugat kahit sa mukha. Sumenyas lang ang kasamahan namin at iniwan na kami. Pinatuloy ko si Jun sa barracks. Nagpasalamat ng walang tigil sa akin habang umiiyak. Kung gaano kadami ang pasasalamat nya, ganun din ang pag-sorry nya. Sinabi na daw ng kasamahan ko sa kanya ang naging pag-areglo na ginawa namin. Nasabi ko na lang na kalimutan nya na yun, at ayusin nya sarili nya para sa pamilya nya. Niyaya ko sya uminom para lumuwag ang kalooban nya.

Huminga ako ng malalim. Parang nabunutan ako ng tinik sa dibdib.

Engr Danny: Habang nasa inuman, hiyang-hiya man si Jun, ay humingi sya ng tulong makauwi dahil wala na sya matatakbuhan pa. Umayon ako. Sinabi nyang tinatanaw nya na malaking utang na loob katumbas ng buhay nya ang mga ginawa ko. Na babayaran nya hanggang sa abot ng makakaya nya. Alam ko na walang pambayad si kuya mo kaya napangiti lang ako. Sapat na sa akin ang pasasalamat at pagsisisi nya ng mga sandaling iyon. Hindi ko sigurado kung may tutuluyan sya kaya sinabihan ko sya na dun na muna matulog. Yumakap ulit sya. Dun ko naramdaman ang init ng katawan ni Jun. Dahil siguro sa alak o sa pag-iisa ko. Umiwas ako at tumayo na. Tumayo din sya, tapos ay hinawakan ang kamay ko. Hinding-hindi ko makakalimutan ang mga sinabi nya, "Gumanti ka sa akin."

Napalunok ako.

Engr Danny: Kinalas ko ang kamay nya at lumayo paatras. Hindi ako ganun. Wala ako pagnanasa sa kuya mo. At hindi ako mapansamantalang tao.

Alvin: Anong nangyari?

Engr Danny: Lumapit pa din si kuya mo at sinumulan tanggalin ang t-shirt ko. Pilit ko ito binababa. Sinasabihan ko sya na itigil nya na at wag nya ako itulad sa mga nabiktima nya. Nang pagkakataon na yun ay namumuo ang galit ko sa kanya. Wala syang kadala-dala. Gusto ko sana sya bigwasan ng isa. Tinigil nya ang ginagawa nya nang maramdaman nya na ayoko talaga. Sabi nya, "Ito lang kasi ang alam ko na kaya ko ibigay. Dito lang talaga ako magaling." Halong awa at inis ang naramdaman ko para sa kanya. At hindi ko sukat akalain na masasabi ko iyun sa kanya.

Alvin: Ang alin?

Tiningnan ako ni Danny ng diretso sa mata:

Engr Danny: Sabi ko sa kanya, "Ganun pala ha. Pagbayaran mo ng pagpapaligaya sa akin hanggang sa matira kita!"

Bumagsak ang panga ko sa sinabi ni Danny.

Engr Danny: At hinubad ni Kuya Junior mo ang pantaas nya.